Familias, xa está aberta a inscrición do comedor para o vindeiro curso.
📅 Data límite: 04/09/2026
💶 Prezo: 5,50 €/menú/día/alumno/a (IVE incluído).
📧 As inscricións deben enviarse a: altacomedor@gmail.com
🔔 Lembramos algúns puntos importantes:
⏰ É moi importante respectar o horario establecido para comunicar se o alumno/a fará uso ou non do comedor. As ausencias deberán comunicarse como máximo ata as 09:30 h do propio día, para facilitar a correcta organización do servizo.
🚌 As excursións deberán comunicarse coa máxima antelación posible se o alumno/a non vai facer uso do comedor.
🩺 En caso de alerxia ou intolerancia alimentaria, será necesario enviar o correspondente informe médico a altacomedor@gmail.com. Este correo é exclusivo para inscricións e informes médicos; outro tipo de comunicacións poderán non ser atendidas.
📧 As ausencias puntuais seguiranse comunicando a adrimialfood@gmail.com.
📋 Lembramos que o comedor conta con normas de convivencia e funcionamento establecidas. A acumulación de faltas, así como a gravidade das mesmas, poderá dar lugar ás sancións correspondentes, aprobadas previamente no último Consello Escolar.
⚠️ Seremos estritos co comportamento, polo ben común e para garantir que o comedor sexa un espazo agradable, seguro e respectuoso para todos/as. 🤝😊
Deixámos por aquí o "Protocolo de comedor" actualizado e aprobado en Consello escolar.
🙏 Grazas pola vosa colaboración!
%20(1).png)
“Libros Compartidos” é unha iniciativa solidaria que ten como obxectivo que todas as familias socias do Anpa poidan acceder os libros de texto de forma gratuíta.
Este programa baséase en dous piares fundamentais:
1. Doazón voluntaria de libros: As familias que xa non precisen certos libros poden doalos para que outros alumnos e alumnas poidan aproveitalos no vindeiro curso.
2. Préstamo de libros: seguindo a orde de inscripción facilitaremos as familias os libros do noso fondo para o seu uso durante o vindeiro curso.
O prazo de inscripción estará aberto o vindeiro luns 29 de Xuño a través desde formulario.
📌 A partir do 1 de setembro, desde a oficina da ANPA comezaremos coa entrega dos libros.
Nese momento, cada familia deberá:
• Asinar o documento de compromiso.
• Realizar o pago de 15 € ou entregar o xustificante do pago previamente efectuado.
Esta achega económica permite manter o programa de forma sostible, garantindo o acceso ao material en bo estado para máis alumnado cada ano.
Grazas pola vosa colaboración, tanto a quen doa libros como a quen os coida e devolve en bo estado.
Con “Libros Compartidos” construímos entre todas e todos unha comunidade educativa máis solidaria, responsable e sostible.
Queridas familias do ANPA
Agardamos que desfrutárades da festa de fin de curso desta mañá e que os nosos nenos e nenas o pasasen en grande.
Queremos darvos as grazas de corazón! pola vosa axuda, colaboración e apoio durante todo o curso. Grazas a vós, puidemos organizar actividades, compartir momentos especiais e seguir facendo medrar esta gran familia.
Desexámosvos un verán marabilloso, cheo de descanso; aventuras, risas e moitos momentos felices en familia.
Nós seguiremos traballando con ilusión para preparar o vindeiro curso e traer novas ideas, actividades e proxectos para todos.
Mil grazas por acompañarnos un ano máis.
Non queremos despedirnos este ano sen dar as grazas a todas as persoas e entidades que fixeron posible esta gran festa.
En primeiro lugar, queremos agradecerlle ao cole o traballo conxunto co ANPA na organización do evento. Grazas por remar na mesma dirección e facer equipo!
Tamén queremos darlle as grazas a David, un papá do cole, que grazas á súa empresa conseguiu que a froita nos saíse moi económica e que, ademais, fixo unha doazón desinteresada. Moitísimas grazas pola túa colaboración!
Grazas tamén ao Concello por prestarnos o camión de bombeiros e por enviarnos botellas de auga para que non faltase refresco nun día tan caloroso.
E, por suposto, grazas a todos vós por participar, gozar e encher a festa de sorrisos, ilusión e bo ambiente.
E para rematar, unha mención moi especial ás persoas da directiva que forman equipo comigo. Grazas por todo o traballo, a dedicación, o voso bo facer e por afrontar cada reto sempre con boa disposición e bo rollo. Sen vós, nada disto sería posible. Sodes o mellor equipo!
Desexámosvos un moi feliz día!
Unha forte aperta!
.jpeg)
Compartimos convosco a última foto dos martes negros, inda que non logramos todavía os obxectivos que dende principio de curso se están a reinvindicar.
O próximo curso seguiremos levantando a voz polos dereitos dos nosos fillos e fillas e pola defensa do Ensino Público.
