Acompañamos os Reis Magos

Agardamos que esteades a gozar destes últimos días de descanso antes de volver á rutina escolar 📚.

Queremos compartir convosco algunhas fotos da carroza que levou o ANPA na cabalgata de Reis de Mos e aproveitar para agradecer de corazón a todas as persoas que, dalgunha maneira, fixeron posible que isto saíse adiante 💖.

Grazas á nosa Elfa Maior, Mar 🧝‍♀️, pola súa creatividade, habilidade e por facelo realidade; á familia de Silvia, pola súa axuda totalmente desinteresada 🙌; a César, por deixarnos o remolque 🚜; a Jaime, por ser o noso condutor Elfo 🧝‍♂️; e a todos os peques e as súas familias, que cos seus disfraces de Elfo 🧝‍♀️🧝‍♂️ se achegaron e encheron a carroza de ilusión e fixeron un gran traballo 🍬✨.

Mención moi especial ás familias da directiva, por “roubarlles” tempo nestas datas tan especiais ⏰❤️ e por axudarnos sempre tanto.

Agardamos que vos gustase o noso traballo neste primeiro ano no que participamos ✨.

Gozade moito destes días! Vémonos en nada 🤗

Unha forte aperta 💫

Obradoiro de outono en inglés

Queridas familias:

Tal e como vos comentamos na 1ª reunión, dentro da programación de actividades previstas para este curso, hoxe todo o alumnado, organizado por ciclos, puido gozar dunha actividade de outono en inglés 🍂📚. Como sempre, a actividade foi previamente supervisada polo centro e polo profesorado correspondente; traballamos sempre en consenso coa comunidade educativa 🤝.

As nenas e nenos aprenderon conceptos básicos de forma lúdica e adaptada á súa idade a través dos seguintes contos:

Infantil: Kinder Garden 🧸

1º e 2º de Primaria: Autumn Scarecrows 🎃

3º e 4º de Primaria: Autumn Mini Village 🏘️

5º e 6º de Primaria: Autumn Escape Challenge 🔍🍁

Todo isto foi posible grazas á academia Navedy, dunha familia do propio cole, que nos impartiu esta actividade de maneira totalmente desinteresada 🙌. Unha gran achega para completar a formación dos nosos nenos e nenas. Grazas!

Agardamos que aos nenos e nenas lles gustase a experiencia; xa nos contaredes! 😊

Queremos destacar unha vez máis a gran comunidade educativa que formamos entre familias, alumnado e profesorado 🫶. Actividades así son unha mostra do compromiso, do cariño e da colaboración que nos unen.

✨ Grazas a todas e todos por facelo posible! ✨

Martes negro 4

Seguimos na loita, seguimos a visibilizar que non nos imos rendir. Os nosos cativos e cativas merecen a mellor das educacións e para iso necesitamos cubrir a lo menos os recursos básicos.

O CEIP PENA DE FRANCIA necesita 1 mestre máis!!!!

Gracias as familias que apoian esta iniciativa cada martes. 

Chegou o nadal

Queridas familias:

Este fin de semana os elfos do ANPA coláronse polo colexio cargadiños de purpurina, ilusión e algún que outro trasno revolto. 🧝‍♂️🎄💫

Deixaron cada recuncho cheo de espírito do Nadal para que hoxe as nenas e nenos entren coa boca aberta e o corazón quentiño de emoción. ❄️💖

E agora imos revelar o segredo mellor gardado… 🤫⭐

Detrás de toda esta marabilla está a nosa compañeira da directiva, Mar, tamén coñecida como a Elfa Maior da Creatividade. ✂️🧵🧚‍♀️

Si, si… todo feito a man, con moito mimo, toneladas de paciencia e un talento que xa quixeramos o resto dos elfitiños do ANPA. 😄💝

Agardamos que a sorpresa lles encante e lles encha de ilusión.

🎅✨ Que comece a maxia do Nadal! ✨🎄

Clube Vitamina

Benqueridas familias!

A semana pasada as nenas e nenos de 5º participaron no Clube Vitamina, un obradoiro nutricional impartido por "Frutas Nieves".

Na actividade falaron sobre alimentación saudable, a importancia de evitar ultraprocesados e os diferentes grupos de alimentos.

Estiveron moi atentos e cremos que lles gustou moitísimo… agaramos que asi volo transmitiran na casa! 😊 

Ademais, recibiron uns agasalliños que Frutas Nieves lles preparou con moito cariño.

Dende aquí queremos agradecer a Frutas Nieves, que ofreceu esta actividade de maneira totalmente gratuíta.

Compartimos unha pequena mostra para que vexades o ben que o pasaron e o xenial que estivo.

Ata pronto!

Martes Negros 2

Seguiremos a unirnos no colexio cada martes ata que dende educación teñan en conta as nosas peticións. 

Necesitamos máis recursos para que as nosas crianzas teñan a educación que merecen e tamén para que o profesorado traballe con condicións dignas.

Non imos parar ata que se nos escoiten. Unidos sempre familias, profes e Anpa en loita.

Grazas as familias que poideron acudir, sabemos o esforzo que supón nalgúns casos, agardamos ser máis cada martes.

Martes Negros

Mestres, Anpa e familias do CEIP Plurilingüe Pena de Francia reunímonos o pasado Martes no centro para manifestar a nosa indignación ante a preocupante situación da nosa escola pola falta de persoal, e seguiremos a facelo ata que esta situación mude. 

Dende o inicio desde curso reclamamos á Consellería de Educación a incorporación, mínimo, dun recurso máis.

Debido a que cada vez hai máis casos de crianzas que necesitan atención
especial por diversos diagnósticos, e o continuado recorte de recursos o centro
está nunha situación límite.

Queremos unirnos a iniciativa dos “martes negros” iniciada polo colexio veciño
“CEIP Mestre Alonso Martínez” e loitar así polos dereitos dos nosos cativos e
cativas. Merecen unha educación de calidade e a falla de persoal impide que
así sexa.

Saudos.